ໃນຕອນເຊົ້າຂອງວັນທີ 27 ມີຖຸນາ 2018 ທີ່ຜ່ານມານີ້ກຳມະບານຮາກຖານພະແນກ ປທສ ໄດ້ຈັດໃຫ້ມີກອງປະຊຸມເປີດບັ້ນຂໍ້ແຂ່ງຂັນເນື້ອໃນ 5 ເປັນເຈົ້າ ສຳລັບກົມກອງລວມໝູ່ ແລະ ການຄັດເລືອກຕົວເດັ່ນສະມາຊິກກຳມະບານ 5 ເປັນເຈົ້າປະຈໍາປີ 2018 ຂື້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ບຸນທອງ ບຸດດີ ປະທານກຳມະບານຮາກຖານພະແນກ ປທສ ແຂວງ ໂດຍການໃຫ້ກຽດເຂົ້າຮ່ວມຂອງ ສະຫາຍ ປະສິດ ເຈັ່ນຕະຈັກ ເລຂາໜ່ວຍພັກ, ຫົວໜ້າພະແນກ, ມີບັນດາສະຫາຍຮອງປະທານ ແລະ ສະມາຊິກກຳມະບານ ພາຍໃນຮາກຖານເຂົ້າຮ່ວມທັງໝົດຈໍານວນ 15 ສະຫາຍ, ຍິງ 5 ສະຫາຍ.

       ໃນຕອນເຊົ້າຂອງວັນທີ 7 ມີຖຸນາ 2018 ທີ່ຜ່ານມານີ້ທີ່ຫ້ອງປະຊຸມພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງຜົ້ງສາລີ ໄດ້ຈັດໃຫ້ມີກອງປະຊຸມເຜີຍແຜ່ນິຕິກຳ ແລະ ການຄຸ້ມຄອງວຽກງານໄປສະນີ ເຊີ່ງຈັດຂື້ນໂດຍກົມໄປສະນີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໂດຍການໃຫ້ກຽດລົງເຜີຍແຜ່ຂອງ ທ່ານ ວະລະໄຊ ດາລາລອຍ ຮັກສາການຫົວໜ້າກົມໄປສະນີ ກະຊວງ ປທສ ພ້ອມດ້ວຍຄະນະ, ມີບັນດາທ່ານຫົວໜ້າພະແນກ, ຮອງພະແນກ, ຫົວໜ້າຂະແໜງ,ຮອງຂະແໜງ, ຫົວໜ້າສາຂາບໍລິສັດ ລັດວິສາຫະກິດໄປສະນີລາວ ປະຈຳແຂວງ ພ້ອມທັງພະນັກງານ-ວິຊາການພາຍໃນພະແນກ ແລະ ບໍລິສັດເຂົ້າຮ່ວມຢ່າງພ້ອມພຽງ.

       ໃນຕອນແລງ ຂອງວັນທີ 21 ມີຖຸນາ 2018 ທີ່ຜ່ານມານີ້ທີ່ຫ້ອງປະຊຸມພະແນກໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດໃຫ້ມີພິທີມອບ-ຮັບອຸປະກອນຮັບໃຊ້ຫ້ອງການຈຳນວນໜື່ງໃຫ້ພະແນກ ປທສ ແຂວງຜົ້ງສາລີ ເຊິ່ງໃນພິທີທີ່ມີຄວາມໝາຍຄວາມສຳຄັນນີ້ ໃຫ້ກຽດເຂົ້າຮ່ວມຂອງ ທ່ານ ປະສິດ ເຈັ່ນຕະນັກ ຫົວໜ້າພະແນກ ປທສ ແຂວງ, ທ່ານ ພອນໄຊ ໄຊຍະແສງ ຮອງຜູ້ອຳນວຍການ ຕາງໜ້າບໍລິສັດ ລັດວິສາຫະກິດ ລາວໂທລະຄົມ LTC ສາຂາແຂວງ ຜົ້ງສາລີ ພ້ອມທີມງານທີ່ມາຈາກ ບໍລິສັດ, ມີບັນດາທ່ານ ຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ ແລະ ພ້ອມດ້ວຍພະນັກງານວິຊາການພາຍໃນພະແນກ ປທສ ເຂົ້າຮ່ວມຢ່າງພ້ອມພຽງ.

      ໃນຕອນເຊົ້າຂອງວັນທີ 6 ມີກຸນາ 2018 ທີ່ຜ່ານມາໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຜົ້ງສາລີ ໄດ້ຈັດກອງປະຊຸມດຳເນີນຊີວິດການເມືອງປະຈຳປີ2018 ຂື້ນ ທີ່ຫ້ອງປະຊຸມຂອງພະແນກ ປທສ ແຂວງ ໂດຍ ການໃຫ້ກຽດເຂົ້າຮ່ວມ ແລະ ທັງເປັນປະທານຂອງສະຫາຍ ຄຳຜອຍ ວັນນະສານ ຄະນະປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳຂົງເຂດເສດຖະກິດ ຂັ້ນແຂວງ.