ໃນຕ​ອນ​ແລງ ວັນ​ທີ 8 ທັນວາ 2017 ຜ່ານ​ມາ​ນີ້ ພະ​ແນ​ກ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ ​ແຂວງ​ຜົ້ງ​ສາລີ ໄດ້ຈັດ​ໃຫ້​ມີພິທີປະກາດ​​ແຕ່ງ​ຕັ້ງ​ຮອງ​ຫົວໜ້າ​ພະ​ແນ​ກ ປທສ ​ແຂວງ​ຜົ້ງ​ສາລີ ຜູ້​ໃໝ່ ຂື້ນ​ທີ່​ຫ້ອງ​ປະຊຸມ​ຂອງ​ບໍລິສັດ​ລັດ​ວິ​ສາ​ຫະກິດ ລາວ​ໂທລະ​ຄົມມະນາຄົມ ສາຂາ​ແຂວງ ໂດຍ​​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ບົວທອງ ອຸ​ແສງ​ຄຳ ຮອງ​ເລຂາ​ພັກ​ແຂວງ, ປະທານ​ສະພາ​ປະຊາຊົນ​ແຂວງ​ຜົ້ງ​ສາລີ.

   ມີ​ຜູ້ຕາງໜ້າ​ຈາກ​ຄະນະ​ຈັດ​ຕັ້ງ​ແຂວງ, ພະ​ແນ​ກພາຍ​ໃນ​ແຂວງ, ມີ​ບັນດາ​ທ່ານ ຫົວໜ້າ​ພະ​ແນ​ກ, ຮອງ​ພະ​ແນ​ກ, ຄະນະ​ພະ​ແນ​ກ, ຫົວໜ້າ​ຂະ​ແໜງ, ຮອງ​ຂະ​ແໜງ, ບັນດາຜູ້ອຳນວຍ,ຮອງ​ອຳນວຍ​ການ, ຫົວໜ້າ​ພະ​ແນ​ກ ,ຫົວໜ້າ​ສູນ, ຈາກບໍລິສັດ 3 ບໍລິສັດ ທີ່​ໃຫ້​ບໍລິການດ້ານ​ໂທລະ​ຄົມ​ມະ​ນາ​ຄົມ​ສາຂາ​ແຂວງ ​ແລະ ພະນັກງານ-​ວິຊາ​ການ ພາຍ​ໃນ​ພະ​ແນ​ກ ປທສ ​ແຂວງ,ບໍລິສັດ ​ເຂົ້າ​ຮ່ວມ​ທັງ​ໝົດ 28 ​ຄົນ, ຍິງ 8 ຄົນ.